Presidenti rus, Vladimir Putin ka habitur me deklaratën e tij të fundit, teksa është shprehur se Rusia ka gati një tjetër vaksinë anti-Covid.
Sipas Rospotrebnadzor, regjistrimi i vaksinës së dytë tek autoritetet përkatëse do të bëhet deri më 15 tetor.
“Sot, sistemi shëndetësor është i gatshëm për të luftuar në mënyrë efektive infeksionin koronavirus dhe epideminë sezonale të sëmundjeve të lidhura me gripin dhe ftohjen sezonale”, tha Putini në një takim në Kremlin.
Vetëm pak javë më parë, Rusia prezantoi vaksinën e saj të parë, të zhvilluar nga Instituti Gamaleya në Moskë. Sipas një raporti të publikuar pak ditë më parë, një në shtatë persona që ka marrë këtë vaksinë ka pasur efekte anësore.
