Eurokomisioneri për Zgjerimin, Johannes Hahn, ka shuar kureshtjen në lidhje me një çështje tejet sensitive, sa i takon debatit të ditëve të fundit në lidhje me çështjen e ndryshimit të kufijve mes Kosovës dhe Serbisë.
Në një konferencë për shtyp pas takimit, ai u tërhoq për komente. Këtë çështje nuk e la pezull, por dha mesazhin se takimet mes palëve do të vijojnë dhe se asnjë marrëveshje nuk duhet që të rrezikojë stabilitetin.
“Nuk mund të flas në këtë moment, pasi çështja është ende në diskutim. Do të ketë dhe takim tjetër në Bruksel, ku do të shihet më qartë kjo çështje”, deklaroi Hahn.
Po kështu, Rama tha se është dakord me ato që tha Hahn.
“Merreni përgjigjen e Hahn dhe përktheheni në shqip, dhe në fund vendosni nënshkrimin tim. Kjo është përgjigjja ime”, u shpreh Rama.
