Në një deklaratë të përbashkët për shtyp, presidenti i SHBA-së Joe Biden dhe shefja e BE-së Ursula von der Leyen kanë akuzuar Rusinë se po vazhdon të “përdor gazin natyror si një armë politike dhe ekonomike”, duke përmendur “ndërprerjen e motivuar politikisht” në furnizimin me gaz për disa anëtarë të BE-së.
Deklarata thoshte se veprimet e Rusisë kishin nënvizuar vetëm nevojën që BE-ja t’i jepte fund varësisë së saj nga gazi rus dhe më tej i motivoi të gjitha palët që të gjenin mënyra për të reduktuar “të ardhurat që rrjedhin nga energjia” e Rusisë – e cila po financon “luftën e paprovokuar në Ukrainë”.
“Këto veprime janë hapa të rëndësishëm, të nevojshëm dhe të menjëhershëm që ne mund të ndërmarrim, por ne gjithashtu e kuptojmë se sfida është e madhe”, thuhet në deklaratën e përbashkët.
Burimi i lajmit: BBC. Përshtatur nga Tirana Today
