Deputeti Sali Berisha i ka dalë në mbrojtje Dashamir Shehut, teksa tha se vërtetë ai kthen ndonjë gotë, por është më mirë se të pish kokainë.
Berisha iu referuar fjalës së Ramës, i cili tha më parë se “dëgjova njërin nga ju që doli në një kazan e tha s’duam investime këtu. Kur gdhihet ha pilaf e raki, e fillon drekën me plënc e më pas në darke ha groshë. Këta jeni ju, pilaf, groshë dhe frikë nga ajo që vjen”, por pa përmendur emra.
Berisha e pyeti Ramën se ‘cilën vrimë miu’ zgjodhi më 27 janar gjatë protestës, ndërsa tha se nuk shqiptar që e beson marrëveshjen me Greqinë ashtu siç e interpreton qeveria:
“U përpoqe të ofendosh Dash Shehun në një kohë kur ai kthen ndonjë gotë, 1000 herë më mirë gota, sesa kokaina. Nuk u the shqiptarëve cilën vrimë miu zgjodhe ti më 27 janar? A mund të më thoni, cilën vrimë miu?
Nuk na akuzon njeri për intelektin, nuk ka shqiptar që e beson se Shqipëria shkelmoi interesat e veta kombëtare. Cila është marrëveshja? Apo ligji i luftës?”
Pas fjalës së Berishës, Rama kërkon fjalën për replikë, por Ruçi nuk ia jep: “Jo jo, s’ka replikë”.
“Mirë”, thotë Rama dhe ulet në karrige. TIRANA TODAY
