Gjatë fjalës së Ramës në Paskuqan gjatë një takimi elektoral, nuk kanë munguar as batutat e kryeministrit.
Ky i fundit kërkoi votën e qytetarëve, në mënyrë që të mos ndante tepsinë me të tjerët.
Gjithashtu, Rama ironizoi Bashën që kërkon vota, teksa tha se kryedemokrati është “shalqi me provë”, duke iu referuar kohës kur kreu i PD-së ishte në krye të Bashkisë.
“Kërkon votat Luli, po harron që është shalqi me provë. Nuk janë ata për këtë punë”, tha Rama.
Gjithashtu, gjatë fjalës së tij, kryeministri thumboi edhe liderin historik të PD-së, Berishën teksa tha se ka punë për të bërë në Facebook-un e tij.
“Nuk janë për punë ata, i kemi parë. Lëreni Saliun, se po punon në Facebook…”
Gjithashtu, Rama atakoi emrin e Ben Blushit dhe Petrit Vasilit, premtimet e të cilëve i cilësoi si të fajdexhies, Sudja, ndaj apeloi të mos merren seriozisht nga zgjedhësit.
