Edhe sot në Kuvend nuk kanë munguar batutat pikante të Ramës. Ai tha se shumica e pronarëve të lojërave të fatit, janë me precedentë. Rama renditi një sërë akuzash që rëndojnë mbi ta, nga pengmarrja, trafik droge e shfrytëzim prostitucioni.
“I dënuar për pengmarrje, plagosje, shkatërrim prone dhe prodhim të lëndëve plasëse. Për trafik ndërkombëtar droge, për shfrytëzim prostitucioni. Këto janë skedat penale të pronarëve të kompanive të basteve.
Personazhe të një bote që pak ka pasur që të bëjë me ligjshmërinë dhe mbarëvajtjen. Biznesi u transformua në hapësirën e pa kufijshme deri në 2013. Dhe tamam sikur e theksoi kryetari i Komisionit të Ekonomisë dhe Financave, është e pavërtetë se pas zhvillimit të operacionit “Fundi i Marrëzisë”, marrëzia është zhvilluar ende më.
Ky është një kancer social. Kemi qenë këtu në sallë kur janë bërë përpjekjet për të ndalur lojërat elektronike.
Nuk ia dolëm dot të votojmë në bllok që atëherë, por bëmë një kompromis në këndvështrimin tim të keq. Kjo është arsyeja se bashkë me Braçen për herë të parë besoj edhe të fundit, theva dhe rregullin e votimit pas vendimit të grupit. Duke mos votuar për të mbyllur kazinotë në 31 dhjetor.
Vendimin e mbështesin 92% e grave shqiptare. S’ka të majtë, s’ka të djathtë. Me ne, me ata, vendim që shkon përtej gjithë kritikës dhe debatit të përditshëm politik.
Dhe më e forta që kam dëgjuar këto kohë, është që Rama e bën për të tërhequr vemendjen. Ku eshte vemendja? Babalja, nuk po e ndjek me populli me interes telenovelen, kur po behej gati të dilte një personazh tjetër. Ezeli i PD, dhe Izaura, skllavja Izaura, Luli dhe Mona.
Ç’a po bejne keta, se jane dhe analistet me gjyslyket poshte dhe syte larte. Ç’a po bejme ne? Po bejme lufte frontale me te keqijat e rrënjëzuara thelle ne këtë shoqëri, që janë të vështira për tu mundur sa hap e mbyll sytë”.
