Analisti dhe gazetari Baton Haxhiu në një lidhje direkte me emisionin “Opinion” theksoi se modeli i politikës së Presidentit Ilir Meta është i vjetëruar.
“Modeli i politikës së Metës është i vjetëruar sepse ndërtohet mbi prapaskena dhe gjëra që nuk janë institucionale. Ky opozitarizëm nga zyra e Presidentit ka shkaktuar këto probleme me bashkësinë ndërkombëtare dhe Reformën në Drejtësi”, u shpreh Haxhiu.
Në vijim, ai pohoi se “njeriu, i cili ka bërë gjithmonë karshillëk Kushtetutës ka qenë Presidenti i vendit”.
