Kryeministri Edi Rama ironizon opozitën teksa poston disa foto nga pastrimet e mbeturinave që po bëhen në qytetin e Kukësit, teksa shprehet se kryebashkiaku i mëparshëm demokrat e kishte katandisur bashkinë në një stacion autobuzi.
Në postimin e tij në Facebook, Rama më tej shprehet se me rikthimin e pushtetit vendor në shërbim të qytetarëve, nuk ka më molotovë e gurëve të revolucionit imagjinar.
Postimi i plotë:
“Me ikjen e kryetarit të Kukësit, që e kishte katandisur bashkinë në një stacion autobuzi, nga ku vejevinin për Tiranë punonjësit e kthyer në protestues të Lëvizjes #RamaIk, po ikin edhe kodrat me plehra nëpër qytet, falë rikthimit të pushtetit vendor në shërbim të qytetarëve dhe rikthimit në duart e punonjësve të mjeteve të pastrimit, në vend të molotovëve e të gurëve të revolucionit imagjinar?
#KukësiqëDuam ? #BashkiaqëDuam”, shkruan Rama në ‘Facebook’.
