Bashkia e Tiranës ka denoncuar kreun e PD-së, Lulzim Basha dhe 4 shoqërues të tij, pasi pretendohet se kanë hyrë me dhunë në mjediset e brendshme të Godinës Nr. 4, në Qytetin Studenti.
Në reagimin zyrtar, Bashkia dënon dhunën e ushtruar ndaj recepsionistes së godinës së konviktit, duke e krahasuar Bashën me një këngëtar që së fundmi ka nisur të xhirojë klipe nëpër Tiranë.
“Bashkia e Tiranës dënon dhunën e ushtruar ndaj recepsionistes së Godinës nr. 4 në Qytetin Studenti nga qytetari Basha dhe tabori i tij i figurantëve, që prej disa ditësh kanë nisur të xhirojnë klipe nëpër Tiranë, si këngëtarë tallavaje, dhe dëshiron të informojë qytetarët se ka nisur menjëherë procedurat për denoncimin e tij para organeve ligjzbatuese si dhunues.
Lulzim Basha, në sytë e qytetarëve të Tiranës si ish kryetar i Bashkisë është një zero, i cili nuk do të bëhet kurrë Kryeministër me një CV të mbushur me zero në çdo punë të dhuruar nga partia, që po e shkatërron përditë”, shkruhet gjithashtu në postimin e Bashkisë Tiranë.
Menjëherë pas denoncimit të Bashkisë së Tiranës, një reagim zyrtar ka ardhur edhe nga demokratët, me anë të zëdhënëses Ina Zhupa. Ajo ka postuar një video të momentit kur Basha ka dialoguar me recepsionisten.
Bashkëngjitur videos në fjalë ajo ka shkruar:
“Atehere kur mendon se ka prekur limitet e qesharakes, Erion Veliaj befason serish. Kete here, pertej fasades qe percjell ne videot dhe fotot e propagandes se tij, ndihet i frikesuar nga vizita qe kryetari i PD i ben disa te rinjve ne dhomen e tyre ne konvikt.
Ate qe s’e ka bere dot Ramiz Alia ne grahmat e komunizmit ne qytetin Studenti, mundohet ta realizoje pinjolli i rilindjes ne krye te bashkise moniste.
Ne asnje vend te botes se lire, kryetari i opozites nuk pengohet te vizitoje nje ambjent publik apo te takoje studente. Kjo mund te ndodhe ne Korene e Veriut. Ose ne Tiranen e Erion Velise. Ku thjesht nje vizite i tremb per vdekje se mos çjerr fasaden qe percjell propaganda.
Edi Rama, Erion Veliaj dhe gjithe te tjeret te jene te sigurt se Lulzim Basha do te vijoje te takoje qytetare çdo dite. Askush nuk mund ta ndaloje misionin e opozites. Te tregoje te verteten qe propaganda e stisur dhe e blere shtrenjte nga oligarket e qeverise perpiqet t’u servire shqiptareve”.
