Shpëtim Çorollari ka bërë një rrëfim të pazakontë, teksa shprehet se gruaja e tij e la pasi rrinte shumë në Facebook dhe një ditë e braktisi.
I ftuar në emisionin “Me zemër të hapur”, Çorollari tha se në fillim raportet me bashkëshorten i kishte shume të mira. Ai shprehet se para disa muajve gruaja e tij hoqi dorë nga çdo lloj përgjegjësie, duke bërë kështu që të lindnin edhe konfliktet mes tyre.
Sipas tij, ajo kishte filluar dhe qëndronte me orë të tëra në Facebook, ndërsa ai dyshonte se e tradhtonte. Bashkëshortja e tij u largua më 9 nëntor duke marrë me vete edhe vajzën 4-vjeçare.
Ajo la pas kështu djemtë më të rritur, teksa në letrën që kishte lënë sipër tavolinës kur ishte larguar, ajo premtonte se do kthehej edhe për ta.
“E kanë parë në taksi, në lagjen time, taksixhiu është gjetur kush është dhe ky që e ka marrë është gjetur, dhe ka kaluar doganën e Maqedonisë. Më pas në Kacanik të Kosovës. Si mund ta ketë kaluar me vajzën 4 vjeçe? Taksistin e njoh si emër, po se kam takuar se është nga Shkupi. Makina ka qenë e porositur, nga ky person që ajo bashkëjetonte. Më thanë që duhet të shkosh në Prishtinë e ne nuk jemi kompetente me e marr atje dhe ta sjellim këtu”, tha Shpëtimi.
“Sot kërkoj vetëm vajzën”.
Nëse zonja ka gabuar e kërkon të rikthehet ti e pranon?
“Jo nuk e dua”.
Mendon se rrezikohet vajza?
“Tepër e vërtetë është”.
