Detaje të reja janë zbardhur nga atentati që i’u bë Aleksandër Sadikaj në Tiranë. Makina e 27-vjeçarit u hodh në erë, pasi iu vendos tritoli. Shpërthimi i fuqishëm tronditi zonën, ndërsa i riu humbi gjymtyrët dhe më pas për shkak të plagëve të marra humbi jetën në spital. Tashmë është zbardhur dëshmia e bashkëjetueses së viktimës e cila ka treguar se Sadikaj kishte vë re një problem në serbatorin e makinës.
27-vjeçari kishte konstatuar një dëm në serbatorin e makinës, por që nuk i kishte kushtuar rëndësi. “Me Aleksandrin kam darkuar në një restorant në afërsi të Tiranës së Re rreth orës 23:20. Bashkëjetoja me të prej tri vitesh. Pasi kanë darkuar kanë zbritur dhe kanë marrë automjetin ku edhe janë nisur në banesën e tyre. Kur kanë parkuar automjetin, Sadikaj ka konstatuar se llamarina e serbatorit ishe e hapur, por Aleksandri nuk është shqetësuar dhe ka shkuar e ka mbyllur vetë llamarinë që të mos e linte të hapur gjatë natës. Të nesërmen në mëngjes para se të ndodhte ngjarja, thotë se është larguar për në punë dhe Aleksandrin e ka lënë në gjumë dhe më vonë ka mësuar për ngjarjen e ndodhur”.
Ngjarja e rëndë ndodhi rreth orës 13:35 në aksin Elbasan-Tiranë, në afërsi të rrethrrotullimit të Saukut. 27-vjeçari humbi gjymtyrët nga shpërthimi dhe fillimisht doli me shenja jete nga makina. Ndonëse u transferua me urgjencë në spital, nuk mundi t’i mbijetonte plagëve të marra.
Pse rrogat rriten në letra, por varfëria rritet në realitet?
