Gjatë një takimi në qytetin e Korçës, kreu i PD-së, Lulzim Basha ka komentuar arrestimin e Redjan Rrajës që akuzohet për atentatin e bërë ndaj prokurorit të Durrësit, Arjan Ndoja.
Sipas Bashës, Rraja është pjesë e pushtetit, duke iu referuar lidhjes familjare që i arrestuari ka me deputetin e PS, Rrahman Rraja.
“Po vij nga Tirana, dhe ka patur një tjetër skandal. Është zbuluar një nga autorët e atentatit mafioz, dhe është pjesë e pushtetit.
Është luftë bandash për të vjedhur më shumë, është lajm i rëndë. Është një gjendje depresioni”, ka thënë më tej ai.
