Protestuesit e opozitës mbajnë të rrethuar godinën e Ministrisë së Brendshme prej disa minutash, ndërsa kanë hedhur edhe flakadanë e shashka drejt hyrjes së këtij institucioni.
Nuk kanë munguar as tentativat e turmës së protestuesve, për të çarë kordonin policor, që tashmë është përforcuar me personel të forcave speciale RENEA.
Pavarësisht hedhjes së sendeve të forta dhe tentativave sporadike për të shtyrrë kordonin e policisë, duket se situata vijon të mbetet nën kontroll.
Vetë lideri i PD-së, Lulzim Basha, si dhe deputetët Ervin Salianji e Gent Strazimiri, janë angazhuar maksimalisht për të qetësuar turmën dhe për të mos lejuar agravimin e situatës.
Por, nga ana tjetër protestuesit refuzojnë ta ndjekin Bashën dhe ata janë të gatshëm që të përballen me policinë duke u thënë demokratëve që ju na sollët këtu dhe pse tani nuk na vini nga pas që të rrëzojmë qeverinë.
“Pse te largohemi, kë keni frikë mo? Mafian keni frikë”- shprehen disa nga protestuesit drejtuar deputetëve të PD që po përpiqen që t’i bindin për të mos krijuar incidente dhe të largohen nga Minisitria e Brendshme.
