Kreu i Partisë Demokratike, Lulzim Basha ka dhënë një deklaratë për shtyp pas mbledhjes së grupit, ku është diskutuar situata e tensionuar në seancën parlamentare të së enjtes.
Duke u bazuar te ndërprerja e fjalës nga kreu i Kuvendit Gramoz Ruçi, kryedemokrati akuzoi mazhorancën se po tenton t’i mbyllë gojën opozitës.
Më tej, Basha paralajmëroi rikthimin e praktikës së seancës së pyetjeve në Kuvend, teksa tha se do të intensifikojnë aktivitetin parlamentar.
FJALA E BASHËS:
Në vijim të ngjarjes së shëmtuar të javës së kaluar dhe të dy javëve të kaluara ku Edi Rama përmes Gramoz Ruçit u mundua të dhunojë rregulloren për t’i mbyllur gojën opozitës, ju bëj të ditur se kjo nuk ka për t’u pranuar kurrë dhe nuk do të ndodhë, e kundërta do të ndodhë.
Ne do të intensifikojmë aktivitetin tonë parlamentar, duke rikthyer një praktikë konform rregullores që është praktika e seancës së pyetjeve për të vendosur Edi Ramën dhe ministrat e tij para përgjegjësisë.
Paska hapur dhe Pallatin Mbretëror, këtej rrit taksat, këtej më shumë bar për qytetarët. Sigurisht që nuk është as baçevar dhe as kopshtar, është përgjegjësi për një Shqipëri të fundosur nga krimi, të vetmin vend që nuk i hapen negociatat.
