Mazhoranca dhe opozita kanë gjetur një arsye të re që të grinden mes tyre. Pas deklaratave të deputetëve demokratë për shkollat e mbyllura, ka reaguar edhe kryedemokrati Basha.
Teksa i është përgjigjur deklaratave të kryeministrit lidhur me qëndrimet e opozitës, përmes një postimi në rrjetin social “Twitter”, lideri i Partisë Demokratike, Lulzim Basha thotë se Rama është “kukulla e krimit dhe politikan i dështuar”.
“Kukulla e krimit Edi Rama, më i paafti dhe i dështuari politikan në 30 vite, mbyll 133 shkolla dhe akuzon opozitën pse thotë të vërtetat që di çdo prind e nxënës! Sa më gjatë kryeministri i çarterave dhe luksit, aq më shumë shkolla të rrënuara dhe fëmijë të braktisur në Shqipëri”, shkruan Basha.
