Kreu i Partisë Demokratike, Lulzim Basha, deklaroi nga çadra e opozitës se, mundësia për të pasur zgjedhje më datën 18 qershor, ra mbrëmë. Basha u kujtoi shqiptarëve se në 28 prill, në mesnatë, ka përfunduar afati i regjistrimit të listave; çdo tentative e sotme është shkelje ligji. Kodi Zgjedhor është shumë i qartë: listat regjistrohen jo më vonë se 50 ditë nga data e zgjedhjeve! Dita e 50-të është data 28, në orën 00:00.
Kryetari i PD-së u shpreh se ligjërisht ka rënë edhe dekreti i presidentit. Basha tha se e vetmja mënyrë që shqiptarët, nga sot e tutje të votojnë të lirë, në zgjedhje të lira e të ndershme është një marrëveshje gjithëpërfshirëse politike, marrëveshje e cila do t’i mundësojë ata, në një moment tjetër, të votojnë me kushte të tjera dhe jo me këto që imponon kjo mazhorancë. Basha deklaroi se të gjithë ata që i janë bashkuar opozitës kanë vetëm një qëllim, zgjedhje të lira dhe të ndershme.
“Zgjedhjet e lira, janë beteja e parë e Republikës së re”, tha kreu Basha
