Kreu i PD-së Lulzim Basha u shpreh se çdo politikan, duke nisur nga ai dhe kryeministri Edi Rama duhet t’i nënshtrohen ligjit anti-mafia nëse kanë firmosur kontrata korruptive.
Basha tha se mekanizmi i ligjit anti-mafia do të vendoset kur PD të vijë në pushtet.
“Duhet të funksionojë mekanizmi anti mafia. Çdo politikan, duke nisur nga kryeministri dhe unë duhet të t’i nënshtrohen ligjit anti mafia nëse kanë firmosur kontrata korruptive. Ata duhet të vërtetojnë barrën në mënyrë individuale.
Ky do të bëhet ligj me ne në pushtet. Ky është rikuperim i parave të vjedhurave të shqiptarëve. Sot qeveria është në ballë të vjedhjes së shqiptarëve. Ne këtë mekanizëm të ligjit anti-mafia do ta vëmë qysh ditën e parë në pushtet“, tha Basha në ‘Tempora’.
