Kreu i Partisë Demokratike, Lulzim Basha ka denoncuar sërish kryeministrin Edi Rama si autorin e manipulimit të zgjedhjeve të 25 qershorit.
Basha iu referua raportit të dalë nga ministrat teknikë të cilët u larguan edhe nga kabineti qeveritar.
“Ministrat teknikë u sabotuan, u lanë pa fonde dhe pa burime; drejtuesit e lartë refuzuan bashkëpunimin dhe nuk ju bindën udhëzimeve të tyre; institucionet përgjegjëse vepruan sa për sy e faqe ose nuk u angazhuan fare. E gjitha kjo ndodhi për mungesë totale të vullnetit politik nga Edi Rama për të përmbushur detyrimet që mori përsipër përpara shqiptarëve dhe komunitetit ndërkombëtar. Është fakt: Zgjedhjet u dhunuan dhe manipuluan nga Edi Rama dhe makineria e tij e pushtetit e ndihmuar nga krimi i organizuar dhe paratë e drogës dhe të korrupsionit”, shkruan Basha në profilin e tij në Facebook.
