Kryetari i Partisë Demokratike, Lulzim Basha, në takimin elektoral në qytetin e Kukësit tha se Rama dhe Meta kanë pranuar se kanë dështuan me turp për katër vite që ishin në pushtet së bashku. Basha tha se do të ketë burg të pamëshirshëm për ata që prekin votat e qytetarëve.
“Rama dhe Meta e kanë pranuar se dështuan me turp për katër vite. Shpresa e tyre e vetme është që të sillen si opozitar në fund të katër viteve. Rama nuk i mbajti premtimet sepse kishte prioritet tekat dhe qefet e veta. Këto katër ditë të fundit është i njëjti njeri që ka qenë dhe po në katër vite në pushtet” tha Basha.
Gjithashtu Basha tha se “do të ketë burg të pamëshirshëm për ata që prekin votat. Mos bëni blerje votash. Hiqni duart nga vota e kuksjanëve dhe tropojanëve, asgjë nuk e ndal fitoren tonë. Ndëshkoni me votë ata që kanë grabitur djersën tuaj. Rama, shpenzoi 16 mld euro vetëm për qefet e tij, ai nuk ka mbajtur premtimet, ka shkatërruar ekonominë”
