Kreu i Partisë Demokratike ka publikuar një tjetër mesazh, referuar çështjes Tahiri.
Deputeti Basha shkruan se kryeministri Rama e mbrojti Tahirin nga arresti në këmbim të heshtjes, duke i lënë kohë që të shkatërrojë provat.
Kreu i PD-së ka publikuar një mesazh të një punonjësi të Gardës, i cili pretendon se bashkëshortja e Tahirit ka qëndruar në zyrën e deputetit 5 orë më 17 tetor, ndërsa shton se edhe para 10 ditësh vetë Tahiri ka qëndruar në zyrën tij disa gjatë natës.
POSTIMI I BASHËS:
Ja pse Rama e mbrojti Tahirin nga arresti, shkatërron provat në këmbim të heshtjes:
“Jam një punonjës në Gardë. Me datë 17 tetor zonja e Sajmir Tahirit ka ardhur në darkë vonë dhe ka qëndruar në ish zyrën e Sajmir Tahirit rreth 5 orë. Aktualisht Saimir Tahiri ka dy zyra në Gardën e Republikës të cilat i administron dhe para 10 ditëve ka ardhur natën dhe ka qëndruar disa orë.”
