Gjatë fjalës së tij si deputet në foltoren e Kuvendit, Basha ka akuzuar Ramën se nuk ka asnjë program konkret për vendin.
Duke vijuar më tej, Basha tha se programi i qeverisë Rama 2 është tërësisht me fraza të marra nga Google Search, ndërsa shtoi se kryeministri nuk e do integrimi e vendit, sepse nuk ka interes të luftojë korrupsionin dhe drogën.
“Programi yt është me fraza të marra nga Google Search, me fraza si “rritje ekonomike inteligjente”, apo “diplomaci digjitale”. Dokumenti pak faqesh s’ka asnjë lidhje me programet konkrete.
Është një skandal i madh që programi nuk përfshin asgjë lidhur me integrimin e vendit, asnjë detaj veç frazës ‘intensifikim i integrimit’.
Ka një arsye braktisja e integrimit evropian, ai nuk ka asnjë interes sepse ai nuk mund të luftojë krimin, korrupsionin dhe drogën. Zgjidhja që ka gjetur është lënia mënjanë e integrimit. Rama 2 do të zhysë Shqipërinë në një krizë të pashmangshme financiare”, tha ndër të tjera Basha.
