Basha pritet me entuziazëm në Kavajë: Më 25 prill fiton Shqipëria dhe humb Rama

Kryetari i Partisë Demokratike, Lulzim Basha ka zhvilluar takime me qytetarë dhe biznese në qytetin e Kavajës.

Qytetarë dhe simpatizantë të shumtë të PD, dolën në rrugët e qytetit dhe pritën me entuziazëm ardhjen e kryedemokratit.

Së bashku me drejtuesen politike në këtë qark, Grida Duma, lideri i demokratëve dëgjoi problemet dhe shqetësimet e banorëve dhe bizneseve.

Gjatë fjalës së tij, Basha tha Kavaja do t’i prijë ndryshimit dhe se më 25 prill do fitojë e gjithë Shqipëria.

Basha premtoi se kur të vijë në pushtet do ndryshojë modelin e qeverisjes, ku shtetin, administratën dhe institucionet do t’ua kthejë njerëzve.

Lulzim Basha: ”Do të keni një qeveri që u përgjigjet shpresave dhe aspiratave tuaja. Bashkë për të fituar Shqipëria. 8 vitet e fundit të tmerrshme për shqiptarët. Kavaja e demokracisë, do t’i prijë ndryshimit. Sot nderimin më të madh për gratë dhe vajzat e Kavajës. Shtetin, administratën dhe institucionet do t’ua kthejmë njerëzve.”