Në takimin e jashtëzakonshëm të opozitës parlamentare në Durrës, Basha i ka dërguar disa paralajmërime kryeministrit dhe qeverisë, se duke filluar që nga nesër, do të publikojnë fakte skandaloze të lidhjeve të tyre kriminale me biznesin e lojërave të fatit, dhe të gjitha aferat e tjera.
https://tiranatoday.com/basha-nuk-permbahet-rama-i-ka-ditet-e-numeruara-ta-harroje-se-sdo-behet-vetting-u-ne-politike/
Po kështu, Basha ka lëshuar akuza të ashpra edhe ndaj kreut të bashkisë së Durrësit, Vangush Dako, si dhe ka publikuar faktin e lidhjes së drogës së Maminasit me atë të Xibrakës.
“180 milionë euro drogë u kapen në Durrës. Partnerët tanë janë në një stad të avancuar për të hetuar ushtarët e aferës së Maminasit dhe garantorëve politikë”, tha Basha.
“Nuk ka habi, nuk ka çudi. Ata që garantuan Xibrakën, ata garantuan edhe Maminasin. Ata që garantuan ‘Toyotat Yaris’ garantojnë edhe të tjera. Durrësi qeveriset nga bandat.
Vangjush Dako është sherbëtori i bandave bashkë me çirakun e tij, Çelën e OSHEE. Nëse nuk do të kishim një kamikaze politike në krye të Prokurorisë, sot Vangjush Dako duhet te ishte në burg.
Vangjush Dako ka shpërblyer me tendera dhe paratë e shqiptareve bandat e Durrësit. Ai ka afruar edhe Jurgys Çyrben si anëtar të bandës së Shullazit, si anëtar të parlamentit shqiptar. Dihet mirë se për çfarë është vënë ky deputet”, tha më tej ai.
