Kreu i Partisë Demokratike, Lulzim Basha ka marrë fjalën menjëherë pas akuzave të kryeministrit Rama ndaj opozitës.
Nga foltorja e Kuvendit, Basha u tregua mjaft i ashpër me deputetët e PS-së, të cilët i quajti “kukulla pa integritet”, ndërsa shtoi se Rama nuk e lufton dot krimin pasi është njësh me të.
Kreu i opozitës iu rikthye zgjedhjeve, për të cilat tha se vota e shqiptarëve u dhunua, ndikua dhe ble nga Edi Rama me lekët e krimit.
FJALA E BASHËS:
Ky që për të fshehur lepurin në bark, atij që i thotë vetes kryeministër dhe deputetët e tij që qeshnin nga zori, për çfarë qeshnit? Për ata që u vranë në Lushnjë para dy ditësh? Apo për atë plakun që u plagos nga breshëria, apo për atë që u plagos nga tritoli në Vlorë?
O kukulla pa integritet! Gjysma prej jush keni ardhur këtu se ju ka marrë për dore krimi, ju ka caktuar krimi. Ky këtu vjen e sulmon një orë opozitën dhe nuk thotë një fjalë për krimin, se është njësh me ata, e s’ka nevojë të tregoj foto, i kemi pasur këtu e i kemi akoma këtu e dinë gjithë shqiptarët, për të dënuarit me drogë, prostitucion për vrasje që Rama i bëri deputet dhe i solli në këtë sallë. E harruat Elvisin?
Ti nuk e lufton dot krimin e organizuar se ti je krimi i organizuar. Ti zgjedh krimin, ti zgjedh grabitqarët.
Na duhet të gjejmë urgjentisht rrugën e daljes nga kjo greminë, ku e ka futur vendin Edi Rama dhe aleanca e tij me krimin.
Raporti i OSBE-ODIHR për zgjedhjet nxori 3 fakte:
Fakti 1: Vota u ndikua, u dhunua dhe u ble
Fakti 2: Vota u ndikua, u dhunua, u ble nga Edi rama dhe PS
Fakti 3: Edi Rama e ndikoi e dhunoi dhe e bleu votën me lekët e drogës, bandave dhe burimeve publike.
