Lideri i opozitës Lulzim Basha deklaroi sonte se e gjithë qeveria Rama është përballë një jetimeje si Xhiseila.
I ftuar në emisionin “Të paekspozuarit” të gazetarit Ylli Rakipi në Neës24, Basha thotë se djali i Rrahmanit vret e pret vjedh prona kërcënon qytetarët dhe çfarë ndodh e mbron shteti, parlamenti, policia, prokuroria dhe pasi plas skandali nga një polic i zakonshëm, çfarë ndodh, thërret median e vet.
Taulant Balla një bandit i zhytur në krim shkon atje për të dhunuar viktimën e përdhunimit. Ai është i zhytur deri në fyt. Ka bërë miliona me banda kriminale. Koka e këtij krimi është njeriu që bërtiti deri në Bruksel për Griseldën, që gjoja ajo ishte me barrë dhe u sulmua nga militantët e PD, ndërsa tani bën memecin.
30 vite kemi dështuar të plotësojmë kriteret minimale të një demokracie europiane. 30 vite që përballemi me korrupsionin. Sidoqoftë ka pasur një zigzage, që na ka sjellë deri para 5 vitesh. Më parë kishim një sistem politik që inkriminohej. Sot kemi të bëjmë me një sistem politik të inkriminuar.
Rama ka shkrirë në një interesat kriminale, ekonomike dhe politike, mediatike.
Cili është thelbi i këtij sistemi që ka ndërtuar Rama. Ka zhdukur konkurrencën, nuk ka garë. Nuk ka ekonomi të lirë të tregut. Ka zhdukur konkurrencën politike, ka kapur mediat.
Edi Rama do të fitojë zgjedhjet në Krujë. Shko në Krujë, një bashki e drobitur nga varfëria dhe krimi. Shkon dhe pyet kush është më i forti këtu? Rrahmani, hajde këtu, ti do marrësh Krujën, ti sill votat dhe do bësh çfarë të duash.
Shkon Rrahmani ditën e zgjedhjeve dhe është përfshirë në manipulime dhe kur merr pushtetin bën ç’të dojë. Djali i Rrahmanit vret e pret vjedh prona kërcënon qytetarët dhe çfarë ndodh e mbron shteti, parlamenti, policia, prokuroria dhe pasi plas skandali nga një polic i zakonshëm, çfarë ndodh, thërret median e vet. E çfarë thonë, kjo nuk është viktimë e përdhunimit, është e dashur xheloze.
