Basha ka paralajmëruar arrestime të tjera të ministrave të Ramës! Në fjalën e tij në Kuvend, kryetari i Partisë Demokratike akuzoi Ramën, si personin përgjegjës të aferës korruptive prej 430 milionë eurosh të inceneratorëve. Më tej, ai shtoi se puna e komisionit hetimor parlamentar për inceneratorët do të zbulojë të gjithë të vërtetën e kësaj afere të madhe të korrupsionit.
“Siç tha dje Rama, se nuk mund të lajë duart, as gishtat nga përgjegjësia duke bërë kurban ministrat, që shumë shpejt do përballen me drejtësinë.
Ai me mbiemrin Koka është bishti. Asgjë nuk mund të kishte ndodhur pa nxitjen dhe miratimin e tij. Kjo është arsyeja se pse Rama e mbylli komisionin dhe e hapi pas këmbëngules së faktorit ndërkombëtar. Është çështje kohe, e vërteta ka nisur të shpaloset”, u shpreh Basha.
