Kryetari i Partisë Demokratike, Lulzim Basha ka publikuar një video, ku akuzon kryebashkiakun Dako se u ka dhënë leje Avdylajve për të ndërtuar një restorant në Durrës.
“Dosja 339 sapo ka nisur të zbulohet. Vangjush Dako e ka vendin në burg”, shkruan Basha në një postim publikuar në Facebook.
Basha e akuzon Dakon se e ka lënë Durrësin në dorën e krimit të organizuar si shpërblim për blerjen e votave për pushtetin e Edi Ramës.
“Restoranti Pista në Durrës, në pronësi të bandës së Avdylajve, është ndërtuar me lejen e Vangjush Dakos”, thuhet më tej në video.
