Vizita e tij në Beograd do të jetë shumë armiqësore në stadium, por Xherdan Shaqiri nuk e frikëson aspak kjo gjë dhe po bën të pamundurën për të mos munguar në Ligën e kampioneve. Ka qenë vetë futbollisti me origjinë nga Kosova që i ka kërkuar trajnerit Jurgen Klopp që ta përfshijë në listën e të grumbulluarve për këtë ndeshje.
Urrejtja e serbëve ndaj Shaqirit u stua gjatë Botërorit, pasi u shënoi me Zvicrën dhe festoi duke bërë shqiponjën me duar. Për këtë veprim ai u gjobit nga FIFA me një gjobë prej 10 mijë eurosh. Këtë dhe jo vetëm, tifozët nuk do ta harrojnë kurrë.
“Nuk kam asnjë shqetësim për këtë ndeshje në Champions. Unë shkoj atje vetëm të luajtur futboll dhe nuk shqetësohem për mesazhet politike. Sigurisht tifozët e Crvena Zvezdës do të më ofendojnë por këtë e bënë dhe në kupën e botës, dhe e përballova”, u shpreh Shaqiri.
Kosovari ka patur bisedim me trajnerin gjerman Jurgen Klopp, duke kërkuar me insistim të jetë të paktën në stol. Shaqiri ka thënë se do të ndihej keq nëse këtë ndeshje do ta shikonte nga ekrani i vogël. Ndeshja mes Crvena Zvezda dhe Liverpool luhet në 6 nëntor në stadiumin “Rajko Mitiç” të Beogradit, dhe më parë trajneri i Liverpool ka lënë të kuptohet se mund ta kursejë Shaqirin.