Kryedemokrati Basha, ka reaguar pas deklaratës së Ramës për Eurobondin. Basha shprehet se vendi është zhytur në borxhe, e ndërsa kryeministri Rama merr borxh të ri. Duke ia kthyer përgjigjen po në Twitter, kreu i PD-së e cilëson Eurobondin një barrë të re për vendin dhe bën thirrje për largimin e Ramës.
Statusi
Ka ardhur koha për ta larguar RAMAVIRUSIN që e zhyti ekonominë në krizën më të thellë, që mbylli bizneset, shpunësoi e largoi shqiptarët. Ka ardhur koha për të parë përpara dhe për ta bërë Shqipërinë vend normal e të zhvilluar.
Shqipëria e zhytur në borxhe kurse KM mburret se merr borxh të ri!!! Me nivel borxhi 74%, me detyrime të prapambetura 600 mln euro, me koncesione abuzive 2,2 mld euro dhe me krizën më të thellë ekonomike me rënie 9%, sot mburret se po i shton cdo shqiptari edhe një barrë të re!
