Mjaft prerazi, Basha tha se Rama nuk e do Vettingun në politikë, por ai do bëhet më çdo kusht, pavarësisht pengesave që mund ti dalin rrugës. Kryedemokrati paralajmëroi se politikanët e lidhur me krimin, do marrin atë që meritojnë.
“Do ja shkurtojmë ditët qeverisë Rama. Ai nuk e do Vettingun në politikë, sepse Vettingu në politikë ka për qëllim largimin e politikanëve të lidhur me krimin. Ka lancuar një një fushatë false me gënjeshtra.
Ju them qytetarëve se ne e kemi ndjerë mbështetjen tuaj. Kam marrë mijëra mesazhe dhe ju them se Vettingu në politikë do bëhet. Të gjithë të lidhurit me krimin do marrin atë që meritojnë. Vettingu në politikë nuk e pengon hetimin nga drejtësia, prandaj ti hedhim poshtë mashtrimet e Ramës”, tha Basha.
Që në krye të fjalimit të tij, kreu i Partisë Demokratike, Lulzim Basha, deklaroi se duke nisur nga dita e nesërme, do të publikohen fakte tronditëse për kryeministrin Edi Rama dhe ministrin e Brendshëm, Fatmir Xhafaj, sa i takon pastrimit të parave dhe lidhjeve të tyre me krimin.
https://tiranatoday.com/basha-kercenon-nga-durresi-kemi-te-dhena-tronditese-shume-shpejt-do-behen-publike/
Nga Durrësi, ku është zhvendosur mbledhja e opozitës së bashkuar, në shenjë qëndrese ndaj situatës kriminale që ka përfshirë vendin dhe qeverinë, Basha paralajmëron se duke nisur nga nesër do të bëhen publike fakte të reja që vërtetojnë lidhjet e Ramës dhe Xhafajt me krimin, me qëllim pastrimin e parave në kazino dhe lojërat e fatit.
