Kreu i PD-së, Lulzim Basha, ka lëshuar deklarata të forta për prishjen e Teatrit Kombëtar, duke e konsideruar shembje të paligjshme për të pastruar paratë e pista.
I revoltuar për çfarë ka ndodhur, kryedemokrati thotë se Rama është hajduti i pronave publike dhe një kriminel ordiner që ka shkelur dhe uzurpuar çdo pushtet.
Ai paralajmëron se pa larguar atë nga pushteti, në Shqipëri s’do ketë as ligj, demokraci, zhvillim dhe mirëqenie për njerëzit.
Statusi
Me shembjen e paligjshme të TK për të pastruar paratë e pista të klientëve të tij, Rama i vuri kazmën themeleve të shoqërisë sonë. Dhuna ndaj qytetarëve dhe gazetarëve është e papranueshme. Aktivistët, artistët, opozitarët e arrestuar duhet të lirohen menjëherë! Rama është varrmihësi i paqes sociale në vend, varrmihësi i ekonomisë së shqiptarëve, hajduti i pronave publike dhe një kriminel ordiner që ka shkelur dhe uzurpuar çdo pushtet. Pa shporrur atë, në këte vend nuk do ketë as ligj, as demokraci, as zhvillim dhe as mirëqenie për njerëzit.
