Humbja e Partisë Demokratike në zgjedhjet e 25 prillit, pritet të shkaktojë një ”furtunë” brenda forcës kryesore opozitare, megjithatë kryedemokrati Lulzim Basha nuk pritet të japë dorëheqjen.
Avokati i njohur, Spartak Ngjela ka komentuar fjalimin e djeshëm të Bashës, i cili tha se përballë kishte një regjim, dhe se beteja sapo ka filluar.
I ftuar në ”Shqip”, Ngjela u shpreh se Basha nuk duhet të vazhdojë në krye të PD-së, dhe dhe shtoi se e vetmja demokrate është ish-kryeparlamentarja, Jozefina Topalli.
Spartak Ngjela: ”Kjo ishte fjala e mbylljes së fushatës, do të fitojmë. Ata donin të bënin të bënin kryengritje, por i kanë kërcënuar ata të ODIHR. Tani këto do të fillojnë proceset në gjykatë, vodhën këtu, vodhën atje. Por Basha nuk do të mund të vazhdojë dot, të jemi realist. Do të imitojnë Trumpin. Berisha pranoi humbjen dhe iku sepse s’kishte më asnjë shpresë. E vetmja shpresë e të humburit, është të mos kesh asnjë shpresë. As Berisha as Basha nuk janë demokrate. Ajo që vinte me origjinë nga e djathta ishte Jozefina Topalli.”
