Kryetari i Partisë Demokratike, Lulzim Basha, ka nisur punën sa i takon aksionit opozitar të vjeshtës kundër qeverisë. Pas një pushimi për shkak të sezonit veror, Basha po mban një takim me kryetaren e LSI-së, Monika Kryemadhi.
Është kjo e fundit e cila iu drejtua gjatë mesditës zyrës së kryedemokratit Basha.
Burimet bëjnë me dije se gjatë takimit po diskutohet situata politike në vend, dhe aksionet e opozitës së bashkuar.
Basha ka paralajmëruar protesta masive gjatë vjeshtës, ndërsa pritet se çfarë do të vendoset në vijim.
Raportohet se këto takime konsultative mund të çojnë në vendosjen e një date për zhvillimin e protestave. Nesër në orën 13:00 Basha pritet të zhvillojë takim me aleatët, ku do të diskutohet e gjithë agjenda që do ndjekin në sesionin e ri politik.
