Kreu i Partisë Demokratike, Lulzim Basha ka ironizuar nga qyteti i Elbasanit dy krerët e Partive rivale, PS-së dhe LSI-së.
Basha tha se me afrimin e 25 qershorit, Metën dhe Ramën i ka zënë tmerri nga frika e humbjes dhe nuk e dinë se çfarë bëjnë .
Ai tha se Meta sot nga Kukësi ka filluar t’i bjerë daulles ndërsa Rama do të kthehet në arushë që kërcen.
“Dy gishtat lart i ka ngritur dhe Edi Rama. Një nënë në Librazhd më tha se dhe Edi Rama ka filluar dhe ngre dy gishtat lart por ne na ka lënë me duart lart. Le t’i ngrejë dhe dy gishta lart Edi Rama s’ka problem.
S’di çu bën i ziu në mëngjes ai bën kosha mbasdite bën deklarata për rrëzimin e republikës së vjetër.
Kush është republika e vjetër?
Është Edi Rama dhe grupi që i ka ardhur vërdallë deri sot. Sejdini dhe të tjerë që ju i njihni shumë mirë.
Kemi tre muaj që flasim për republikën e re dhe dua t’ju them se kjo reformë i përket qytetarit dhe jo politikanit.
Për dy dimensione është ok, të tretin e ngatërron Rama
Fasada Ok , Palma Ok , ekonomia ngatërrohet.
Me anë të kushtetutës së re, ju do keni në dorë të zgjidhni politikanin tuaj dhe fatin tuaj.
Rama vajti 10 ditë në fushatë por ekonominë se ka përmendur një herë e ka fjalën te timoni por harron që makina e tij s’ka motor. Atij i mjaftojnë fotot e bukura dhe teneqetë e lyera me bojë.
Meta sot filloi të kërcejë me daulle në Kukës kurse ky tjetri do kthehet në arushë”, u shpreh ai .
Më tej, ai u shpreh se ka modele për ti dhënë shpresë shqiptarëve ndaj e meriton këtë mundësi.
“Për dy vjet ja dola me rrugën e kombit, për dy vjet dhe me tunelin dhe me rrugën e Elbasanit po ashtu edhe me liberalizimin e vizave. Ndërsa rama ka 4 vjet me lungomarren që nuk po e bën dot”, tha Basha.
Gjithashtu, Basha premtoi se me ditën e parë të ardhjes së tij në pushtet do të ulë TVSH-në dhe taksat që po i marrin frymën gjithë shqiptarëve.
Sakaq, ai tha se do të vendosë taksën e produkteve të huaja dhe në këtë aspekt do t’i ngjajë Donald J.Trump
Në fjalën e tij Basha premtoi se shkollat shqiptare do t’u shtohet edhe dreka të cilën deri më sot nuk e keni pasur .
