Kryetari i Partisë Demokratike, Lulzim Basha në fjalimin e hapjes së fushatës së PD-së theksoi se loja nuk mbaron më 25 qershor por atë ditë rrëzon tavolinën e tavolinën e shahut të Edi Ramës dhe të njerëzve të tij.
“Jo kurrsesi loja nuk merr fund më 25 qershor, por tryeza e shahut përmbyset më 25 qershor. Shqiptarët merrin në dorë fatet e tyre më 25 qershor. Dhe kundërshtarët tanë e dinë që Rama e quan politikën si lojë shahu, por njerëzit çfarë janë? A janë fëmijët gur shahu? Të sëmurët, të pa punët, a janë të gjithë këta njerëz gur shahu?! Jo njerëzit nuk janë gur shahu. Prej fillimit ti njerëzit i ke konsideruar si gur shahu”, tha Basha.
“Në krye të katër javëve republika e re do të jetë realitet për të gjithë. Çdo shqiptar e do Shqipërinë, por nuk ka shtet të fort pa ekonomi të fortë. Duhet të kemi shqiptar që ndajnë proporcionalisht pasuritë e këtij vendi. Shumë prej jush i njoh sepse jemi takuar në qëndresën prej 90 ditësh. Aleatët tanë që sot janë bashkuar nënën siglën e PD-së dua ti falënderoj nga zemra. Sot opozita shqiptare është e bashkuar dhe pala kundërshtare është e përçarë”, tha kreu i PD-së, Basha.
Basha tha gjithashtu se jemi në një moment shumë të vështirë për shumicën dërmuese të shqiptarëve kudo ku jetojnë. Demi më sot sistemi i ndërtuar 27 vite më pare ëndrrat e Shqiptarëve. “Ku janë 300 mijë vendet e punës që premtove, ku është shëndetësia falas që premtove. Ai justifikohet se nuk kishte kohë. Por ai zgjodhi ndryshe sepse për atë nuk ishte prioritet ekonomia dhe shëndetësia. Por për Ramën ishte prioritet korrupsioni dhe tenderët tek njerëzit e tij. Rama zgjodhi të mbjellë palma dhe të ndërtojë fasada anë e mbanë Shqipërisë. Palmat e Ramës janë tharë dhe nuk kanë lëshuar gjethe. Ai ka paguar me paratë e shqiptarëve qindra miliona euro për palma dhe fasada. Unë do ti jap fund kësaj.
Basha shtoi se duhet që të pranojmë të vërtetat ashtu si janë. Jemi në krizë ekonomike sepse interesat e Ramës nuk ishin ato të shqiptarëve. Me 25 qershor shqiptarët do të votojnë për të larguar një qeveri të korruptuar të lidhur me krimin. Shqiptarët do votojnë për një kryeministër që kontrollohet nga qytetarët e ndershëm të këtij vendi.
