Kreu i Partisë Demokratike, Lulzim Basha, pas mbledhjes së grupit parlamentare dhe komunikimit online që zhvilloi me diplomatët e Parlamentit Evropian, theksoi se në takimin e javës së kaluar ka pasur një ofertë për të shtyrë zgjedhjet më datë 16 korrik dhe zëvendësimin e disa ministrave të kabinetit Rama me teknicienë.
“U fol për të martën e kaluar. Dua të kërkoj ndjesë për mosshpjegimet në detaje për takimin me McAllister ku u folëm për çështjen e drogës, të cilët u njohën me këto zhvillime. Më vonë u ra dakord për takimin në Pallatin e Kongreseve. Na u paraqit një dokument me 8 pika, ku së pari ishte shtyrja e zgjedhjeve më 16 korrik dhe zëvendësimi i disa ministrave të kabinetit Rama me teknicienë. Kundërpropozimi ynë ishte kërkesa për qeverinë teknike, pasi Rama është i aftë të blejë edhe deputetë të opozitës”, u shpreh Basha.
