Një ditë para seancës plenare, kryetarja e LSI-së, Monika Kryemadhi ka nisur takimet me kreun demokrat Basha. Ka qenë kryedemokrati i cili është drejtuar për në selinë e LSI-së, ndërsa ende nuk dihen detajet e këtij takimi.
Nëse kthehemi pas në kohë, në protestën e fundit të opozitës së bashkuar, u bllokuan 5 akse rrugore, ndërsa u shënuan incidente të vogla.
Pak më herët, ishte kryetari i Kuvendit, Gramoz Ruçi, i cili përcolli një mesazh thumbues ndaj klasës politike. “Ne bëjmë retorika, ndërkohë që mbi një milion shqiptarë që punojnë, në sektorin publik apo privat, kërkojnë kushte të denja pune dhe pagë më të lartë. Të ndalojmë fjalët boshe dhe tu kushtohemi atyre. Në emër të interesave të një pakice që kërkon me çdo kusht karrike pushteti, bllokon rrugët e Shqipërisë. Rrugët e Shqipërisë duhen ndërtuar, jo bllokuar”, citonte Ruçi.
