Kreu i Partisë Demokratike, Lulzim Basha është takuar pasditen e sotme me presidentin e Sllovenisë. Pas takimit, Basha dha një deklaratë të shkurtër për mediat, teksa tha se i kishte shprehur mirënjohjen e thellë Pahor për mbështetjen e tij dhe të Sllovenisë në rrugëtimin e Shqipërisë për hyrjen në NATO dhe për heqjen e vizave.
“I shpreha mirënjohjen e thellë Pahor për mbështetjen e që populli i tij na ka dhënë në rrugëtimin tonë drejt BE dhe NATO-s. PD mbetet tërësisht e përkushtuar për të arritur vlerat evropiane për Shqipërinë dhe shqiptarët përmes vendosjes së demokracisë, të ndaljes së kontrollit të pushteteve, të mos ndryshimit të kufijve, në mënyrë që 1 orë e më parë të hapet rruga e bllokuar nga krimi dhe korrupsioni”, tha kreu i Partisë Demokratike.
Ai u pyet nëse është i gatshëm të bëjë hapa pas dhe të ulet për dialog me Ramën, siç edhe presidenti Meta kërkoi sot nga të dyja palët.
“S’kam ndërmend të komentoj asnjë deklaratë, në përballjen me krimin e organizuar, nuk ka për të pasur asnjë hap pas, por vetëm hapa përpara. Largimi një orë më parë i Ramës dhe një qeveri e palidhur me krimin e organizuar do i japin shqiptarëve atë që meritojnë”, tha ndër të tjera kryedemokrati./ Tirana Today
