Kryedemokrati Lulzim Basha, në vazhdën e akuzave, edhe një herë tjetër ka trumbetuar se vendi ka marrë fund.
Basha thotë se rinia po ikën nga vendi, dhe për këtë ia vë fajin Ramës.
Ai ka diskutuar me të rinjtë e Devollit, lidhur me vështirësitë që hasin për të vazhduar studimet e larta, për shkak të rritjes së tarifave dhe prej papunësisë.
Sipas tij, detyra e parë e qeverisë së PD do të jetë përgjysmimi i tarifave për arsimin e lartë, dhe pagesa e stazheve për të sapodiplomuarit. Po kështu do të hartojnë një ligj të ri, në mënyrë që çdo i ri dhe e re shqiptare, të ndjekë studimet pavarësisht nga mundësitë ekonomike të familjes.
