Kreu i Partisë Demokratike, Lulzim Basha ka ftuar të gjithë shqiptarët që të bëhen pjesë e protestës me 27 janar, në orën 12:00, para Kryeministrisë.
Në përfundim të takimit me krerët e degëve, Basha bëri një deklaratë për mediet, ku tha se qëllimi është i qartë: largimi i kësaj qeverie për të vijuar më pas me zgjedhjen e një qeverie të re.
Fjala e Bashës:
Ftoj shqiptarët të na bashkohen në një protestë mbarëpopullore, kundër krizës ekonomike, padrejtësisë, për një drehtësi të cliruar nga krimi. Drejtësi për të papunët, për të rinjtë, për studentët, për ata qeë duan ta ndërtojnë jetën në Shqipëri.
Gjithçka nis nga kthimi i ligjshmërisë në vend. Në rast se sot kemi një narko-shtet, ai është i ndërtuar mbi paligjshmërinë, e cila është rezultat i zgjedhjeve të kapura, që ka çuar në një parlament dhe kryeministër të paligjshëm. Ky ka domosdoshmëri kapjen e një prokurori të paligjshëm.
Objektivi politik i opozitës, për një Shqipëri që garanton zgjedhje të lira, mundësi punësimi, çmime të energjisë, naftës dhe dritës jo më të lartat por në proporcion me fuqinë blerëse të shqiptarëve. Qëllimi i protestës është largim i qeverisë, që më pas zgjedhjet e ardhshme do i japin vendit Shqipërinë që meriton.
Kemi nisur një dialog për t’i paraprirë kësaj proteste, ftojmë çdo oponionbërës, që bashkë ta japim sinjalin që e keqja ka marrë fund.
