Kreu i PD-së, Lulzim Basha ka shpërndarë në Twitter një postim të Kryetares së KE-së, Ursula von der Leyen për prioritetet kyçe të Samitit të Zagrebit për vendet e Ballkanit Perëndimor.
Basha i shpreh mirënjohjen BE-së për ndihmën në luftën kundër koronavirusit dhe për solidaritetin e treguar për rimëkëmbjen ekonomike të Shqipërisë.
Kreu i opozitës thekson rëndësinë që kanë për vendin zbatimi i prioriteteve kyçe të Samitit të Zagrebit, për vendet e Ballkanit Perëndimor.
“Gjatë Samitit të EPP në Zagreb rikonfirmova angazhimin e PD për procesin jetik të integrimit evropian dhe udhërrëfyesit të qartë prej 15 kushtesh. E ardhmja jonë evropiane varet nga zbatimi i këtyre kushteve”, tha Basha.
Grateful for EU help against #COVID19 & solidarity to assist 🇦🇱 & its economic recovery. During #EPP #ZagrebSummit I reconfirmed @pdshqiperi committment to the vital EU integration process & the clear roadmap of 15 condition. Our Europian future depends on their implementation. https://t.co/D1J4mAFVol
— Lulzim Basha (@lulzimbasha_al) May 7, 2020
“Qëllimi kryesor i PD dhe i opozitës në Shqipëri janë zgjedhjet e lira e të ndershme, të pandikuara nga korrupsioni dhe krimi i organizuar me mbështetjen e qeverisë aktuale.
Për sundimin e ligjit, luftën kundër korrupsionit dhe garantimin e lirisë së medias foli dje pas Samitit të Zagrebit edhe Presidenti i Këshillit Europian Charles Michel. Bashkimi Europian theksoi persepektivën europiane të vendeve të Ballkanit Perëndimor, por për nisjen e negociatave me Shqipërinë nuk ka caktuar asnjë datë, derisa Shqipëria të ketë përmbushur 15 kushtet e përmendura nga kreu i opozitës, përfshirë zhvillimin e zgjedhjeve të lira e të ndershme,dënimin e krimeve zgjedhore në çdo nivel të qverisjes, ndëshkimin e zyrtarëve të lartë të përfshirë në afera korruptive”, deklaron PD.
