Analisti Arian Curri, ka komentuar videon e kryedemokratit Lulzim Basha duke gatuar në shtëpi, e cila bëri xhiron e rrjetit dhe u komentua për veshjen e tij me këpucë brenda në shtëpi.
Megjithatë, vëmendjen më të madhe e mori biseda me bashkëshorten që po e xhironte.
I ftuar në emisionin ”Open”, Curri tha se Basha bëri batutë si cunat e lagjes por fitoi votat e shumë grave.
Arian Curri: ”Unë them shyqyr që Basha po i dëgjon këshilltarët. Këta janë të vendosur logjikisht saktë në llogoret e tyre. Njerëzit kanë nevojë ta shohin dhe Bashën në spektakël. Një moment i thotë bashkëshortes “shiko mos e hidh në Instagram”, që duket si batutë e cunave të lagjes. Tipike batuta cifti “asgjë mo zemër” dhe më pas stepja e mashkullit tipik shqiptar që gatuajmë edhe nderim rrobat. Ngjiti mirë. Basha mund të ketë humbur votë mashkullore nga imazhi, por fitoi votat e shumë grave.”
