Kryetari i Partisë Demokratike, Lulzim Basha ka reaguar pas deklaratës së kryeministrit, Edi Rama se ai nuk u përgjigjet dot pyetjes se pse PD-LSI votuan pro raportit të Dick Marty.
Sipas Bashës, këto janë gënjeshtra dhe shpifje të Ramës për të larguar vëmendjen nga realiteti i hidhur.
Teksa pyet Ramën për dështimet e tij, Basha thekson faktin se shqiptarët kanë nevojë për një kryeministër që punon për ta e jo një klloun të dështuar si kreu i qeverisë.
Basha beson se së bashku me shqiptarët do t’i fitojë zgjedhjet dhe do të shërojë plagët e hapura nga kryeministri.
”Të gjithë e kuptojnë se ti gënjen e shpif vetëm për të larguar vëmendjen nga pyetjet që ju interesojnë vërtet qytetarëve:Pse qindra shqiptarë kanë humbur jetën nga COVID si rezultat i dështimit tënd?Pse spitalet janë mbushur plot dhe të sëmurët dergjen në ambulanca dhe korridore?
Pse e ke shkatërruar ekonominë?Pse nuk ju jep ndihmë financiare të prekurve nga COVID? Pse e ke mbyllur derën e BE? Shqiptarët kanë nevojë për një kryeministër që punon për ta e jo një klloun të dështuar si Rama.Bashkë do ti fitojmë zgjedhjet & do shërojmë plagët e hapura nga ai!’’, shkruan Basha në rrjetin social, Twitter.
Pse e ke shkatërruar ekonominë?Pse nuk ju jep ndihmë financiare të prekurve nga COVID? Pse e ke mbyllur derën e BE? Shqiptarët kanë nevojë për një kryeministër që punon për ta e jo një klloun të dështuar si Rama.Bashkë do ti fitojmë zgjedhjet & do shërojmë plagët e hapura nga ai!
— Lulzim Basha (@lulzimbasha_al) November 8, 2020
