Ish-kryetari i PD-së Lulzim Basha, në një prononcim për gazetarët jashtë ambienteve të Kuvendit, tha se Sali Berisha po shpall kulak çdokënd që del kundër tij. Ai tha se në Partinë Demokratike nuk ka një frymë bashkëpunuese, por përçarëse.
“Unë vij nga shumë takime në terren me demokratët, dhe shoh që nuk ka frymë përbashkuese, por përçarëse nga një grup njerëzish që kanë vendosur interesat e Berishës dhe të tyret mbi interesat e demokratëve.
Largimi im nuk ka shërbyer aspak për të bashkuar demokratët, por është përfituar për të vijuar frymën përçarëse me frymën që ‘kush nuk bashkohet me mua shpallet kulak’, siç po bën me Alibeaj”, tha Basha.
