Kryetari i Partisë Demokratike, Lulzim Basha tha sonte largimi i prokurorëve është një “ushtrim detyre” i mirë organizuar nga qeveria Rama. Në studion emisionit ‘FAKT’, Basha thotë se të gjithë personat në qeverinë Rama, të cilët e dinë se janë të implikuar në afera kriminale udhëzojnë prokuroren për të ndalur drejtësinë. Kryedemokrati deklaron se këtë që po ndodh sot e ka paralajmëruar dy muaj më parë. Basha thotë se gjitha kjo që po ndodh ka një synim të mbrojë Edi Ramën.
“Largimi i prokurorëve është një ushtrim i mirë organizuar nga të gjithë personat që e dinë se janë të implikuar në afera kriminale për të ndalur drejtësinë. E gjitha kjo që po ndodh ka një synim të mbrojë Edi Ramën. E kemi paralajmëruar dy muaj më parë. Nga e dija unë këtë? Sepse historia botërore nuk ka rrugë tjetër sepse kështu sillen politikanët e korruptuar kur u ngushtohet laku.
Kjo qeveri, kjo alencë e krimit me Edi Ramën në krye, është në dorën e njerëzve që të marrë fund. Nëse shumica e heshtur që janë në pajtueshmëri me këtë qeveri dhe del në protestë, atëherë Rama është i rënë“, deklaroi Basha.
