Kryetari i Partisë Demokratike, Lulzim Basha është shprehur se biznesi ka marrë një goditje të rëndë nga koronavirusi.
Gjatë një takimi me përfaqësues të Shoqatës së Biznesit të Vogël, Basha ka akuzuar qeverinë se biznesi i vogël ndodhet drejt falimentimit.
Sipas kreut të opozitës, paratë e taksave të paguara po u shkojnë oligarkëve dhe jo biznesit të vogël.
“Gjithë vëmendja e qeverisë është tek oligarkët, jo tek njerëzit, jo te biznesi i vogël. Biznesi i vogël përbën bazën e ekonomisë shqiptare. Paratë që ka paguar gjatë vitit, taksat duhet t’i kthehen sot. Sot ka nevojë më shumë se kurrë për një paketë të qartë masash.
Biznesi i vogël po vuan dhe nga masa arbitrare siç është fatura afrofe. Në vend që të ndihmohen siç po i ndihmon çdo vend i rajonit, biznesi i vogël po përballet me vështirësi të jashtëzakonshme. Paratë e taksave të shqiptarëve po shkojnë tek oligarkët jo atje ku ka nevojë tek biznesi i vogël. Situata është dramatike. Mbështesim kërkesat e biznesit të vogël”, tha ai.
