Opozita e bashkuar pritet që të zhvillojë në orën 20:00 protestën e radhës kombëtare përpara godinës së Kryeministrisë.
Ndërkohë, raportohet se 1300 forca policie kanë rrethuar perimetrin e Kryeministrisë, dhe jo vetëm, edhe institucionet e tjera që ndodhen shumë pranë selisë së qeverisë.
Nuk mungojnë kamerat me rezolucion të lartë dhe barrierat metalike, si në protestat e mëparshme.
Në brezin e parë do të ketë policë që nuk janë të pajisur me armë. Përpara kryeministrisë ka edhe një tribunë dhe pritet të përdoret për mbajtje fjalimesh. Policia ka dhënë leje që protesta të përfundojë në orën 22.00.
