Sekretari i Përgjithshëm i Partisë Demokratike, Gazment Bardhi ka reaguar së fundmi përmes një postimi në rrjetin social Facebook, lidhur me ndryshimet në ligjin e Policisë së Shtetit.
Bardhi shkruan se “Edi Rama po zëvendëson shtetin ligjor me një regjim policor, në shkelje të Kushtetutës dhe në dhunim flagrant të të drejtave të njeriut”.
Reagimi i plotë i Bardhit: “Edi Rama po zëvendëson shtetin ligjor me një regjim policor, në shkelje të Kushtetutës dhe në dhunim flagrant të të drejtave të njeriut.
Ligji për përgjimin e qytetarëve nga Policia, pa autorizim të prokurorisë apo pa vendim të gjykatës, thellon sjelljen antidemokratike të Edi Ramës dhe minon seriozisht rrugën europiane të Shqipërisë.
Për Partinë Demokratike ligji është antikushtetues dhe i papranueshëm”.
