Ditën e sotme, sekretari i Përgjithshëm i Partisë Demokratike Gazmend Bardhi ka paralajmëruar nga Korça se do të publikohen të tjerë emra kryebashkiakësh, që kanë probleme me drejtësinë.
“Kemi në proces verifikimi një numër të konsiderueshëm të kandidatëve të Edi Ramës. Janë në proces verifikimi të paktën 15 kandidatë të Partisë Socialiste që janë emëruar si kryebashkiakë në 30 Qershor nga Edi Rama”, deklaroi Bardhi.
I pyetur për tryezën katërpolare, nëse do të sjellë atë që kanë kërkuar gjatë këtyre viteve të fundit, Bardhi bëri të ditur se opozita është e pranishme, pasi Reforma Zgjedhore është kusht i Bundestagut për integrimin e Shqipërisë në BE.
