Largimi i Lionel Messi-t nga skuadra e Barcelonës duket të jetë i paevitueshëm, teksa ylli i futbollit e ka bojkotuar edhe stërvitjen e radhës.
Sipas TycSports, Messi nuk ka dalë në stërvitje pasi pret të atin dhe ka njoftuar edhe avokatët e juristët. Babai i Messi-t është nisur sot nga Argjentina drejt Barcelonës me një avion privat. Ai pritet që të takohet ditën e nesërme me Bartomeu, për të biseduar në lidhje me shitjen e mundshme të fenomenit argjentinas.
Sakaq, bordi drejtues katalanas kërkon ballafaqim me numrin “10”, që deri tani nuk është përgjigjur dhe gjithçka ka ngelur te burofax i datës 25 gusht.
